北海道出差記-Day1【定山溪溫泉度假勝地】

札幌近郊溫泉渡假區「定山溪」

首先介紹下行程第一站，是位於札幌近郊的定山溪溫泉 (Jozankei)（日語：定山渓温泉／じょうざんけいおんせん），是日本北海道札幌市南區的溫泉區，泉質為鹽化物泉。

這是一個在北海道很受歡迎的溫泉度假勝地，基於綠色泉水豐富之美名，每年約有240萬人到此游玩。距離札幌市中心不到一個小時車程，非常方便，是最近札幌市中心的一個溫泉鄉，有「札幌後花園」之稱。近幾年，為來定山溪溫泉的外國人也多起來了。

定山溪溫泉的歷史悠久，在1866年，由僧侶美泉定山所發現，在北海道設立開拓使後，開始在此開發溫泉，甚至興建道路。 這裡也是一個風景區，您不僅可以在這裡享受天然溫泉，還可以看到四季的美麗風景，享受街頭散步和活動。你們亦可參加「溫泉一日遊」遠離城市的喧囂，浸一天溫泉，靜化你的身心。

從札幌出發，從札幌站，大通和薄野出發的班車“Kappa Liner”每天運營14次（需要預約）。

＜交通資料＞
【定山渓温泉】　住所：札幌市南区定山渓温泉
・英語　http://jozankei.jp/en/
・簡体　http://jozankei.jp/zh-hans/
・繁体　http://jozankei.jp/zh-hant/

受森林和大地恩惠的定山溪溫泉

定山溪溫泉街湧出的泉水，無色透明、還有鈉氯化物泉（低滲中性溫泉）的特點-可口的鹹，有豐富礦物質，是國內最受歡迎的溫泉之一。進入泉水，鹽分就會附著在肌膚上，防止汗液蒸發，從身體內部向外散發暖氣。定山溪溫泉的泉水來源於56個地方，大多數集中在流經溫泉街的豐平河的月見橋附近和高山橋附近，豐富的泉水從河岸和河底的岩盤裂縫中自然湧出。

泉水每分鐘湧出8600升的量，湧出溫度為60~80度，可謂高溫、足量、高質，十足令人欣慰。

此外，在露天浴池中，您可以一邊欣賞風景一邊享受溫泉，秋天的紅葉，冬天的雪景，您可以充分享受季節性的味道。

佢最特別嘅地方係用管道來自然冷卻泉水至41-43度，其他溫泉會加凍水。

遊媽入住定山溪酒店，晚上在浴池浸過，真係好似幫皮膚做SPA咁，浸完皮膚好滑！

定山溪溫泉雪明燈路2019

自2011年起，每年一月尾至二月初會在定山溪神社周邊舉辦「雪燈路」，製作大量的雪燈，利用蠟燭將其點亮營造出獨特的夜景。當地人手工製作的無數雪花的燈光將為神社區域著色。被閃耀的光線包裹的體驗，只有在這個獨特的水晶般清澈的空氣中才能獲得，這無疑將是您美好旅程的回憶。

來自神社周圍的2000個雪燈的燈光營造出一種夢幻般的日本風格冬天的氣氛在會場，會有“慾望的火焰”遊客點燃火焰祈禱他們希望實現。

<活動詳情>
【雪灯路〔ゆきとうろ〕2019】
開催期間： 2019年1月30日〜2月3日
開催場所：定山渓神社（札幌市南区定山渓温泉3丁目218番地）
入場費用：免費入場
聯絡我們：011-598-2012（定山溪觀光協會）

・英語　http://jozankei.jp/en/yukitouro/1097
・簡体　http://jozankei.jp/zh-hans/yukitouro/1095
・繁体　http://jozankei.jp/zh-hant/yukitouro/1096

北海道出差記-Day1【出發@CX580】

闊別兩年，再來北海道出差考察。
是次行程分別會去定山溪、滑雪體驗、札幌市、洞爺湖、函館山，行程好緊密。

今次坐CX580，香港前往北海道札幌，9:10am起飛，機型係B777-300客機，座位3-3-3排列，個位都幾闊落，有電視睇，有插蘇位但無USB位，如果想叉電記得自己帶埋3腳插頭呀。

飛機餐有奄列同粥揀

睇下有咩戲先，都幾新啊，有《黃金兄弟》同《逆流大叔》，自從生左BB之後已經好耐無入過戲院，不過今日好攰唔想睇戲，淨係聽歌，五十幾張廣東專輯任揀，新舊歌手都有，Sammi、千嬅、側田、鄭中基、古巨基⋯⋯等等，d歌好經典呀，揀下揀下都揀左30首歌入playlist。

縱然已經搭過飛機很多次，仍然很眷戀雲上的風景。因為鍾意飛，小時候曾經夢想當空姐，考過兩次都失敗左，就是差那1cm的高度⋯⋯兜兜轉轉還是做返旅遊業，緣份就係咁微妙。很感恩這工作讓我有幸到世界各地看看走走，每一次都得來不易，每一次機會都很珍惜❤️再次探訪北海道，唔知今次旅程會有甚麼奇遇，可以開拓甚麼可能性呢？期待

《我的配音日記》第五堂，旁白

今堂學配旁白，睇落以為好易，原來適合做旁白嘅人係少之又少。
因為旁白需要集合好多條件：靚聲、咬字清楚、字正腔圓、有節奏感。

紀錄片就最常見，仲有電話錄音、公共交通工具的廣播、綜藝節目、電影、新聞等等。

把聲要自然得嚟又有d感情，但又唔可以太Chok，把聲Chok得滯又over左。仲要考慮埋資訊片內容再諗下用咩聲演繹。

我地全班分2人一組輪住試，我錄第一次太Flat，冇乜高低起伏，經阿Sir指導下，有返d節奏感。

仲有兩堂就完喇，但係月尾公司要出差，所以上唔到最後一堂，下堂係我最後一堂喇。
而家諗返阿Sir第一堂影大合照係明智架！因為跟住唔知仲齊唔齊人，好可惜呢。

《我的配音日記》第四堂，學撰稿的好處

今堂教撰寫廣東話對白要點，阿Sir話做配音員學埋撰稿有著數，因為唔係份份對白都寫得好好，特別係廣東話對白稿，要寫得夠地道、順口，讀起上嚟才夠傳神，有親切感。如果份稿對白寫得唔好，配音員如果識自己改埋對白，配埋，咁就Perfect喇！

除左寫對白，仲有學「數口」，要夾口型，特別係外語片，一句韓文有十幾個音，但係譯返廣東話意思只係「你食左飯未？」咁就要擴張句子到十幾個字，但又唔影響對白嘅意思。例如改為：「咦你放工返嚟拿？食左飯未呀？」

點解要學寫稿？因為競爭力大d！好現實嘅問題。
如果有十個配音員，要cut人，一個識寫稿，一個唔識，一定留住識寫稿果個。

今堂配音實習都係配英文卡通片，不過有埋開合口同好多反應位，難度都幾高。感情要拿捏得準確，真係同做演員一樣咁難呀。

《我的配音日記》第三堂，捉懶音 & 配英文卡通片

新一年，配音班來到第三堂了，又來到了熟悉的錄音室:)
暫時同學仔都好人齊，冇人缺課，之前學過其他興趣班，通常去到第三四堂就會開始越來越少人。哈哈，證明我地真係好有熱誠。

一開始就溫故知新，重點上堂講過咩，然後就聽Playback，原來上一堂錄麥太時太過著重時間準唔準同對白啱唔啱，忽略了最重要的語氣同感情，變得格格不入。急口令果個位就唔識搵位抖氣，讀到最尾幾粒字der左落去。呢個是我的弱點，肺活量唔夠，又唔識搵位抖氣，唱歌都係唔夠氣的。

4個發聲位置：天靈、鼻音、喉嚨音、胸腔，同埋點運用丹田呼吸。
然後我地就開始做功課，每人輪流讀「繞口捉懶音令」，再輪流聽Playback，阿Sir逐一捉我地d懶音。

今堂錄音係幫英文卡通片配音，聽原聲後再錄返廣東話對白，難度越來越高。

《我的育兒日記》戒甩電子奶咀

這兩星期成功幫弘弘戒甩電子奶咀，平時愛看電視的我們都恨心地關掉電視，收埋遙控器。初初弘弘是很不習慣，有時扭睇電視好似毒癮發作咁，瞓地嚎哭，我地堅決唔心軟，喊完一輪佢就會收聲。慢慢習慣左沒有電視的日子，佢就冇再扭電視。

我們要營造一個良好學習環境俾佢，除了關掉電視，我地仲去書局買左d幼兒益智拼圖、生字書俾佢睇，佢好鍾意啊！特別係拼圖，好耐玩。

最近還學識左講「鼻鼻」、「眼眼」、「咀咀」，英文生字都識多左：「A」、「B」、「D」、「I」、「M」、「O」、「P」，係好開始呀！我地會繼續努力，希望可以追得返。

遊媽同遊爸都係唔主張催谷的，不求聰明絕頂，但願能平穩發展已足夠。

好開心，今朝健康院姑娘打嚟可以約早d做語言評估，本身約左7月中，而家最快可以約2月中。