天生哥真係一個德高望重，經驗非常豐富的前輩，做過台前幕後許多不同崗位，聽佢分享由做o靚仔入行嘅經過，點解會由幕前轉做幕後，點解會由配音變成領班，到教班，當中有好多好多故事，我好鍾意聽人講故仔，佢生動嘅演繹講得特別動聽。
除左講故仔，佢仲分享好多經驗之談，唔單止教我地配音的技巧，仲有職業操守、道德修養，在言談間不停塞錢入你袋，好榮幸可以跟佢學嘢，獲益良多。
第一堂，估唔到我地已經有得玩配音😍
同學仔分開9組人，輪流為一段卡通情節配音，兩個角色幾乎沒有對白，要透過動作、眼神、嘴巴大小，來為他們配上聲音。好好玩，我還因為太投入角色而不自覺腳底揼左地幾下😅有同學仔好勁，第一次配已經好專業，幫角色注入靈魂，令人睇得好投入肉緊。其實真係幾難的，要「眼明口快」，時間節奏感情要掌握得好好，錯少少都要由頭嚟過。
快樂嘅時光過得特別快，兩個半鐘眨下眼就過，臨走前我地仲影左大合照留念❤期待快d上下一堂^^
沒有留言:
發佈留言