馬爾代夫親子遊 Gili Lankanfushi @Day2.3

Gili Lankanfushi 馬爾代夫親子遊記 Day2.3 // 有趣的Wine Tour, 印度之夜晚餐

有趣的Wine Tour

下午我地參加了酒店為我們而設的特別活動Wine Tour，品嚐來自世界不同地方的美酒及美食。第一站是日本餐廳 By The Sea：日本清酒配合日式小食。廚師為我講解Sake的歷史及分別，呷一口清酒，吃一啖吞拿魚他他，簡直係人間美味。因為老公唔係好飲酒同食生野，我幫佢清晒碟小食，哈哈。

第二站係甜品店，法國馬卡龍配上靚香檳。粒馬卡龍好好食，係咸味的，好特別，杯酒都好靚，是正宗法國Champagne，只係個人唔係太喜歡香檳，浪費左。

跟住我地就去左第三站地下酒窖 (underground wine cellar)，品嚐西歐的美酒及甜品。呢度設計好特別，有冷氣，早餐時段都會使用埋呢度放芝士，壽司及魚生。

一杯是西班牙紅酒，一杯是法國甜酒。

最後一站係Organic Garden，田園風味的小食，同埋入口較濃烈的甜酒。我太失敗喇，因為事隔太耐，唔係好記得美酒及美食的內容，主持人係形容得好過我100倍，除左食同飲，過程真係學到野架。總括嚟講呢個Wine Tour係幾有趣，非常適合愛酒之人。

自助晚餐@Overwater Bar, 印度之夜

完左Wine Tour已經是黃昏時份，酒店安排我地在Overwater Bar度享用晚餐，呢度晚餐以Buffet形式供應，每晚有不同主題，咁啱今晚係印度之夜，所以d食物唔太啱胃口，哈哈。呢個情況都幾常在馬爾代夫發生，主打Buffet的Main Restaurant通常為了迎合不同客人的口味，會每晚設唔同主題，例如：亞洲之夜、歐洲之夜、國際之夜、印度之夜、中東之夜等，如果唔想中伏，可以於出發前，或者第一日到達酒店，各酒店問定個Schedule，預先plan好。

我地食左少少野，拎左d麵包白飯同水果俾阿仔食，食到佢瞓著左，我地就返Villa休息喇。