馬爾代夫親子遊 Gili Lankanfushi @Day1

Gili Lankanfushi 馬爾代夫親子遊記 Day1 // 在斯里蘭卡轉機

自從做左媽媽之後，已經Ｎ年冇寫過遊記。很榮幸年頭可以再次遊覽馬爾代夫，今次帶埋１歲仔仔一齊去，好大挑戰XD

去年8月買左斯里蘭卡航空做推廣的來回機票，但航班一改再改，回程由原本只係等幾個鐘，變成等12個鐘，計埋坐飛機嘅時間足足遲左一日先返，要在機場酒店吽12粒鐘，想改機票又要罰幾千蚊，最後決定no show左回程張機票，用里數redeem左單程國泰直航返嚟就算。

斯里蘭卡航空又唔係想像中咁差，由香港飛往可倫坡，架飛機好新淨，係皮座椅 (在機上忙著照顧孩子，所以影唔到相喇)。我地係搭夜機到，在斯里蘭卡機場中轉酒店住左一晚，第二朝才坐早機到馬爾代夫。之前聽人講，機場間酒店Serenediva Colombo Transit好不堪，出發前已有晒心理準備，沒有期望，沒有失望，還有點驚喜呢。我們被安排入住最近Reception的房間，唔知係咪我地有小朋友關係，間房都幾大，算乾淨企理，以中轉酒店嚟講已經合格了。

去過馬爾代夫5次，參觀十幾間酒店，大小酒店都住過，令我最鍾情的，還是比較小型的酒店，例如今次入住的Gili Lankanfushi。首先講少少歷史先，Gili Lankanfushi，開業超過15年，前身係屬於Six Senses酒店品牌旗下的Soneva Gili，2012年酒店易手並改名為Gili Lankanfushi。度假村延續了原Six Senses時期的自然風格，依然“No News No Shoes”，而度假村45間水上別墅也依然如昔。Six Senses集團出了名的重視環保，酒店的GM告訴我，因為佢地有55%的客人都是REPEATED CUSTOMER，有些客會每年返來一至兩次，因此新集團接手後，這裡所有的建築也維持原木設計，度假村內外也沒有太大變化，亦不敢改變，怕改變了收後，客人就不喜歡了。

有人可能會問：「開左咁耐，會唔會好舊架？」嗯，的確網上搵到的相片可能都會有點舊，起初都有點擔心，但到達現場之後，深深愛上了。不要被網上的照片騙倒，酒店不但保持得很好，很乾淨，服務還非常貼心（稍後會再說）。呢度嘅職員好多都做左好耐，所以全部熟晒，有晒默契，而且全部都好Nice好好笑容，令人感覺很溫暖。

一到步Male國際機場，酒店的職員就在出境大堂等候，帶我們去碼頭乘坐快艇。Gili距離Male很近，只需２０分鐘快艇船程便可到達，這麼方便難怪那麼多回頭客啦。由於Gili主張“No News No Shoes”的概念，所以我們上快艇後，職員便拿出一個印著“No News No Shoes”的小布袋，幫我們裝起鞋子和襪子，然後在我們腳上噴些涼涼的噴霧。

快艇開動了，這班船只有我們一家人，職員叫我們躺在船尾最大的梳化床上 (是全船最舒服的位置)，奉上一杯冰涼的熱帶果汁，酸酸甜甜好醒胃，涼風吹撲臉上好舒服啊，小寶貝不知不覺就瞓著左。